بادئ محادثة
بعيد الشرّ !!!
ما عادِت قصّتنا سرّ
العالَم عم تحكي فيّا ...
ما في داعي نبقى ع جَمر ونتعذّب تا نداريّا !!!
لا تصَعّبي كرمالي الأمر
وأوهامِكْ لا تكبّريّا ...
و
أوعي تفكّري بعيد الشرّ بلحظة ضعفِك تنهيّا !!!
أوعي تفكّري بعيد الشرّ بلحظة ضعفِك تنهيّا !!!
مشاعرنا من حقّنا وبسّ
بقوّة حُبّنا منحميّا !!!
ما غلطنا يوم الْلي عشقنا
ومشِينا بدرب الأحلام ...
وصَفّينا نيّتنا والله تا عَ فَرد مخدّي ننام !!!
قلبي وقلبِكْ دابوا بعشقُن
لا هُو عيب ولا هُو حرام ...
يا ربّ يكمّل فرحتنا تا الزلغوطة نعليّا !!!
مشاعرنا من حقّنا وبسّ
بقوّة حُبّنا منحميّا !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.