قصيدة رثاء : مدين رحال
رحم الله
( الفنان الكبير مروان محفوظ )
_________________________
إبن مَحفوظ يا قامه كبيره/ي
رَحِيلَك حَرّك شْعوري وضَميري
عَطيت الفن من روحك مناره
وحُضورك كان ع المسرح أميري
كنت فنان أول بالصَداره
وصوتك مُخمَلي ناعم حريري
دمشق العاصمه زرت ب حَراره
تَ تَعمِل حَفل ل جموح الغفيره/ي
متت بالشام ياروض النظاره
وع موتك سالت دموعي غَزيره/ي
بِكي جمهورنا في كل حاره
وع إسمك بِكْيِت الطفلة الصغيره/ي
قلبي ب يِشّعُر ب غَصّة ومَراره
ظروف الفن من بعدك عسيره/ي
مين ب غَيبتك عندو جَداره
يعطي متلك مْواسِم وفيره/ي
أنا شاعر إبن شام الحَضاره
سلملي ع ملحم في طريقك
ومن شعري معك وَدّي عبيري
________________________
كلماتي وبقلمي انا مدين رحال
عزائنا إلى أهل ومحبي الفنان الكبير مروان محفوظ
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.