رجّااااال !!!
حطّيها حلقة بإدنكْ
ما حدا بيلويلي ذراعي ...
لا حُبّْ لا نزوة لا مالْ
راضي كتير بأوضاعي !!!
مش يعني انّي بحبّكْ ..
تصيري ع تفكيري راعي ..
واهتمّ آنا بإسعادكْ
وانتِ تجرّي أوجاعي !!!
الْ قالوا انّو الحُبّْ بيذلّْ
حكيُن كلّوا منّو صَحّ ...
الْ بيحبّ بيعزّ شريكو
ما بيرشرش عَ جرحو ملح !!!
وبيحطوا بين عيونو
وبيبقى لأفراحو سَاعي !!
فهمتِ عليّي ولّا بعيد
هيدي هيّه شخصيتي ...
انْ حبّيتِ صار عندي عيد
والفرحة غمرتْ بيتي !!!
وانْ ما فهمتِ مشكلتكْ
ما بدها القصة تعقيد ..
فيني ردّكْ عَ بيتِكْ
وقلّكْ من راسي اطلاعي !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.