عن قصة طفولتي
ايام البراءة.....بقلم// مديحه إبراهيم
11 - 12 - 2020
مر عليه سنين طويله
كأنها أعمار كثيرة
كنت طفله حلوة وشقيه
وشخصيتي كانت قوية
*****
كنت بميل للوحدة شويه
مش بحب اللعب كتير
كنت بترسم قمر ونجوم
وأشجار النخيل وزهور
*****
على سطح بيتنا الكبير
ما بين غروب والليل سكون
اخد قلمي الرصاص وكراستي
واطلع والكل في زهول
*****
لما ازحف كالطفل احبي
اسمع أبي العشا يا بنات
نادوا الشقية المغرب فات
دور عليه في الحجرات
*****
قال هاتوها وهاتوا قلمها والأوراق
اخذهم مني وخباهم
وانا سِكت بدون أصوات
مشيت وراه لما شاف روسماتي
قال...عفريته من هذا بين النجمات
*****
وايه كل العالم دي واللمه
قولت له الكل واقف يستني
لما طلع الصباح الكل صاح
والعتمه تروح ويجي النور
*****
كنت مثل العجوز تمام
اجلس واحب كتر الكلام
يقولي ابي هو انتِ بغبغان
بطلي شويه مش عارف أنام
*****
ماكنتش بحب اللعب كتير
كنت بحب أصاحب الكبير
كنت أسأل على جدي احكيله
قالوا مات من زمن طويل
*****
عرفت نفسي على نفسي
وهمي كله قلمي وكراستي
اكتب ارسم اشخبط شخابيط
وكانوا يقولوا دا كلام عبيط
*****
أبكى كتير لحد ما أنام
اسمع صوت أبي بيقول تمام
البنت دي بتحكى حتى في الأحلام
وكأنها بتحكي أساطير
*****
وانا صاحيه بكلم روسماتي
كانت مهمه ليومياتي
بشعر اني بكبر أوام
حتى كبرت بين أوراقي والأقلام
*****
و أدي كل حكاية الطفولة
لسه الحطيات طويلة بدون نهاية
هو الذي يعلم آخر كلام
لما في آخر محطه ينتهي الكلام
بقلم// مديحه إبراهيم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.