شَرقي ...
عايش دورَك انّكْ شَرقي
وسايق فيّا عَرض وطولْ ...
بيحقلّكْ تعمُل كلّ شي
ما في غيرَكْ عنّكْ مسئولْ !!!
انت الشّبّ وكلّ شي حَدّكْ
عادات وتقاليد وأصولْ ..
ما حدَى بيقدَر يوقف ضدّكْ
ولا شَعرَة منّك بيطُولْ !!!
ويا ويلْ اللي بينقُد رأيكْ
من سَيف الرَّدّ المسلُول !!!
أمّا الشرقيّة يا حسَرة
ما بيطلعلها رأيها تقولْ ..
كل عمرها مسجونة ببيتها
عَم تحلمْ حرّيتها تنولْ !!!
وبتنطر فارس أحلامها
المتحضّر تا الفَرحَة تطُولْ ..
بيطلعلها انسان بشكلو
ومن جُوّا بأطباعو غووول !!!
ويا ويلها لو وقفت ضدّو
من سيف الغضب المسلول !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.