/ يا واحة الإبداع /
يا واحة الإبداع بتضلّي الأساس
وفيكي الأصالة بلون ألماسي
كل ما انذكر إسمك ما بين الناس
بيمرق ع بال الشوق إحساسي
وبشعر كأني صرت بو النواس
مشتاق إسكر دوّخ الكاسة/ي
واكتب شعر عا صفحة الإحساس
بنبض القلب وحروف حسّاسة/ي
حبي إلك صاير متل وسواس
يا بيت شعري وعزوتي وناسي
وصالح بقي تاج الفكر ع الراس
بكل الفخر فيه رفعت راسي
بيحلى السهر فيكي ع كاس وطاس
وإلّا معك ما بتلتقى الطاسة/ي
ومتل الخمر ما باس تم الكاس
بحبك يا واحة هيك تنباسي .
د. عيسى فضة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.