خلَصنا بقى !!!!
فهمنا لا بقى تذلّيني
وتضلّي تقولي تذكّر ...
انّي سامحتَك وقتها
حتى القصّة ما تكبَر !!!
صدّتيني يوم الْ خنتِكْ
ووعدتّك ما تتكرّر ...
ليش تا تضلّي تحييها
ما الباب عليها تسكّر ؟!!!
ولا بدّك اركع لكْ
حتّى ترضي واتحرّر !!!
غلطنا وقتها وآمنا
وقلبِك ما قبِلْ يتجبّر ...
قدّرتها وما كرّرتها
وصاير قدّيس وأكتر !!!
من شغلي فوراً ع البيتْ
لا عم اضهَر او اسهَر ..
جوّالي صامتْ ع طولْ
مهفهف حدّك ومعطّر !!!
ومع كل هيدا كلّ يوم نّق
وكل ليلة النّكد محضَّر ؟!!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.