صديقاتي وأصدقائي الغوالي في واحة الشعر والنغم الموقرة اطرح عليكم سؤال للنقاش ضمن قصيدة بعنوان / ليش العيش / أرجو من جميعكم المشاركة وإبداء الرأي .
مازالني ميّت قبل ما موت
وهيك اللي قالو الرب باللاهوت
يعني برحاب الكون ليش العيش
وموتي ع إيدي والأرض تابوت ؟
من خلقتي حملت الخطايا وجيت
بين الحقيقة والخيال مشيت
وقبل موتي ع موتي بكيت
مازال ع المجهول رايح فوت
بلحظة عند ماكنت رايح كون
بغفلة زمن مرّيت ع الطاحون
لقيت العمر عم ينطحن بجنون
وبيوت عم تطلع ع ضهر بيوت
تاري الوعد بيموت بالموعود
وجرح القصد مقصود من مقصود
وعين الوجود تجود بالموجود
الموجود مش موجود مازال الزمن
من حولنا واقف لغم موقوت . د. عيسى فضة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.