شآاااااام !!!
ابنِكْ يا شام
مشتاق يبوسْ ترابِكْ ...
راسِم أحلام
يرجَع ويضمّ حبابكْ !!!
غربة أعوام
ما تنسّيه كلّ مصَابِكْ ...
عيشتو حرام
لو حَدّ قبالو عابِكْ !!!
يا أطهر أرضْ
الشّمس بتضوي من بوابكْ ...
ونجوم الليل
بتحكي أسرار كتابِكْ !!!
مجدِكْ منصان
والربّ ال حامي عتابِكْ ...
لو طال العُسر
اليسر بيمحي اللي نابِكْ !!!
وَعد الرحمن
تبقي الدّهر مضوّاية ..
نور وإيمان
وللعزة انت الراية..
صرت ع لسانْ
اللي عندهن نخوة حكاية ..
سوريّا المجد
بتبقي للشرف مراية ...
غيمة وبتمرّ
يا أطهر أرض عشقتها ..
كاسات المرّ
من بعد فراقك ذقتها ...
قلّك على سرّ ؟
لحظة عزّة ما شفتها ...
من يوم الهجر
وسيل دموعي مخبّاية ...
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.