&&&&&&&&&( رحلة صيد )&&&&&&&&
ليلة عطلة وشوب كتير
صيّادة . رحنا بكير
كان المقصد نصلي دبوق
ع النبعة رف عصافير
سمعت بنية قالت زوق
شو علينا جيتوا نواطير
شفتا تحرقص قلبي شوق
وشعرا ع كتافا م يطير
قلتلو ي الأسر روق
كلمة حكيتا و ما بيصير
ليشك مهتم ومعجوق
علينا عم تعمل تشهير
امرك شائن مش مسبوق
نحنا شعّار مشاهير
متل العاشق والمعشوق
قلي شو بدك بيصير
بعملّك من شعري طوق
شوف المية والجرجير
بص بعينك عالي فوق
دبوقي للعشاق كتير
قالت ياشب الممشوق
بكرا لاقيني ع البير
وقتا منحكي كلام الحب
بضمك بجناحي وبطير
سلمان حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.