/ بيروت والمصاب الجلل /
مصابك يا بيروت الحبيبة مصابنا
هز الدني اهتزت معو أعصابنا
صابك سهم مسموم جوّات الصميم
وفي سوريا بذات المواجع صابنا
في مرفأ الأحلام هالحدث الأليم
أغتال الأماني وطار معها صوابنا
تنيناتنا عنّا عدو واحد لئيم
أخطر بني صهيون ناوي ع غتصابنا
لا تركعي بيروت تاريخك عظيم
متل المسيح القام واكتمل نصابنا
قومي ادعسي ع الموت بالعقل الحكيم
نحنا معك برجالنا ونسوانّا وشبابنا
وإيدك بإيد الشام ع الدرب السليم
حتى النصر نقضي ع شيطان الرجيم
فتحنا إلك بقلوبنا أبوابنا . د .عيسى فضة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.