..قصيدة شالى الحرير.. (❇️)
.. شعر غنائى ..
حواء 💃
الحلوه مالت على كتفى
قالت هسيبك راح أمشى
مالك و مال عينى و رمشى
إياك يصيب قلبك حبى
ياخدك هوايا و تيجى تجرى
خايفه عليك تطلب ودى
و ترجع تقاسى من صدى
يدى ما تحكم على قلبى
غاويه الغرام و الريح ضدى
بنت الأكابر مين قدى
و الفقر عوزه خد بنصيحتى
المال حدانا مذهب جدى
إياك تروح تطلب يدى
بص و شوف شالى على كتفى
أوزن حريره خده من يدى
سيبك من الحب و عدى
قلبك فقير ما يساوى عندى
شالى الحرير على كتفى
قولى منين تدفع مهرى
أبعد عيونك عن رمشى
لياخدك غرامى
و أنا راح أمشى
آدم ❇️
💫💫💫💫💫💫💫💫💫💫💫
✒️ الأديب د/ عاطف فؤاد بطرس
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.