لقد أتيحت لي فرصة نت لدقائق لأتواصل معكم وأرسل لكم ياغوالي تحياتي واشتياقي وهذه القصيدة :
( وحش مابيرحم حدى )
وحش الكورونا داير بكل المدى
عم ينهش بهالناس عالكون اعتدى
وينك يا ألله تارك الكوكب حزين
ونايم إنت مرتاح بعدك ع الهدى
يارب فيق اسماع صرخات الأنين
هون الكورونا اليوم بجنون ابتدى
وكتار قالوا ما بقي عندك حنين
من يوم ما هالوحش ع الشام اهتدى
ودعّس على الأحلام بكّى الياسمين
وصار الورد محزون عا موت الندى
وعنا يا ألله فيك إيمان ويقين
تبعت رسول الحق متل اللي افتدى
عنا الخطايا وصار نور العالمين
يمسح وجعنا يوقّف جنون الردى
يارب تحمي كل منصاب ومريض
من هالوحش مسعور مابيرحم حدى .
د. عيسى فضة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.