صباح العيد السعيد تبريّكاً بصباحكم الجميل
&&&&&&&&&( عيد سعيد )&&&&&&&&
محتار فكري شو قلّكم بالعيد
وشو راح ابعت لكم بالعيد عيدية
ملقيت بهالدني ابعتو شي جديد
بخاف التقصير لو بعتت عينية
عاشق لُقاكم متل الناطر مواعيد
شي شب جاهل ومواعد صبية
عاشق واحتي بطلب لها التجديد
وايام زهّوة فرح كل يوم غنية
تغدق حروف الشعر بسمتا وتعيد
ايام مرّت بالقدم واليوم منسية
واحة خلود الدني ماصابها تهديد
عا صخرة الصماء والجلمود مركية
فيها فطاحل شعر شعرهم تمجيد
وفيها غذارى تحمل قلوب حنية
يتبادلوا الافكار يلبق لهم توحيد
فكر الوحي ب الشعر والكل خويّة
قائد عظيم الشان الاسم بالتحديد
صالح بعيني له الهامات محنية
افرح يعيد وعبّي ه الدني زغاريد
وخلّي دفاتر السوء. والاتراح مطوية
نشالله عليكم يمر كل عيد بخير
ونسهر سوى وننشد الاشعار ليلية
سلمان حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.