بحبِّك !!!
قلتها ما عرفتْ بوقتها
شو اللي خلّاني قولها ..
بتذكّر انّي تلبّكتْ
وهيّه وقعِت من طولها !!!
شو هالسّر بهالكلمة ؟
وشو هالسّرعة بمفعولها ؟ ..
تا تخلّي خدودها تحمرّ
وقلبي يتمنى يطولها !!!
قريتها هالكلمة بالكتبْ
طول عمري مفكّرها كذب ..
ولمّن حَفرِت جوّا القلبْ
عرفت جذورها وأصولها !!!
قالوها كتير الشّعّار
حكيوا فيّا كبار صغار ..
لكن ما توقّعت الْ صَار
اغرم من نظرة الأولى !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.