شو هالمنتدى سلاطين فيه كتير
وورود مفتحة من داير الواحة
ع كل درفة خشب واقفة عصافير
تسبّح لرب الكون الصبح صدّاحة
متل جراس تدق او جامع بتكبير
ناطرة وفود الصّلى تنتلي الساحة
لامسلم عرفت ولا مسيحي كبير
هلال ونجم مع الصلبان مرتاحة
صلّبت ايدي وقلت مابدها تفكير
بسم الله وآب وابن والروح روّاحة
مادام هون الشعر في الو مشاهير
كلمة محبة بقولها والنفس مرتاحة
دخلت وشفت موزّعة بها نوافير
وفيها ورود بعطر المسك فوّاحة
فيها فراش كتيرب يحوّم وبيطير
ع كمام ورد الندي مرفرفة جناحة
فيه استراحة ودنان خمر كتير
مكتوب البعيني هوّي سر مفتاحة
وعيسى فضةوياسروبسام الشهير
وفيه شعّار ترابطو بخيط مسباحة
تأوهت وقلت ويل هالحظ العسير
هدولي بحور بدها رجال سبّاحة
لتجازف بروحك وين رايح يافقير
لتفكر ب هالواح كاساتك عصير
لازم يكون الشعر قدوة مطلعك
لا كل ضلع انكسر تعتبرو جبير
سلمان حسن
