قال الرّاوي !!!
جاملتو بكلمة زغيّورة
وبسمة صغيرة ما بتنقاس ...
وقت الْ كنّا سهرانين
وقلّي يسلملي الألماس !!!
من بعدها صار بنظراتو
يلاحقني ويرفعلي الكاس ..
خجّلني والله بغمزاتو
وجرّصني قدّام النّاس !!!
حتّى افتكرونا عشّاق
وهالقصة ما إلها أساس !!!
أحرجني ورّد لي خدودي
ما بقيتْ أعرف شو ساوي ...
امشي ولّا كفّي وافهم
بالآخر على شو ناوي ؟
شفت الدنيه كلّها عتمة
بس وحدو وجّو الْ ضاوي ..
غرّقني ووقعني بحبّو
هيْك ختَم القصّة الرّاوي !!!
وحياتي ما كذبتْ بحرف
بيشهَد عَ حكيي الحرّاسْ !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.