المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: { كذّابة } بقلم الشاعر الكبير الدكتور [ عامر تيسير نابلسي ]

كذّابة 

كذّابة ورح تبقي هيْك 
تعوّدتِ أصلاً عَ اللّعبْ ...
واللي اتعوّد عادة بشعَة يخلَص منّها فوق الصَّعبْ !!!

بتمَثّلي مشاعرِك وكأنّها 
عم تطلَع من جُوَّا القلبْ ...
اسم الله عليكِ حرفِة وخبرَة وبتمرّي ع جهاز الكذب !!!

بسّ هالمَرّة وقعتِ بإيد 
الْ ما بيخسَر بحياتو حَرب !!!

وحياتي رح تدفعي تمن 
الأيام اللي فيّها سهرت ...
وحلمت ببيت يجمّعنا ويكون متل الْلي خطّطت !!!

بالوقت اللي كنت انتِ 
عم تضحكي عا كلشي رسَمت ...
وملهيّة مع نمرة جديدة تا تبَلّشي في حال ترَكتْ !!!

حَضّري حالِك أنا هالمرّة 
رَح دفّعِكْ أضعاف الذّنب !!!

 عامر ...

Saleh Albouini

تعليق واحد

أحببته

تعليق

المجلة الإلكترونية لنشر الأعمال الأدبية والفنية للأديب والشاعر والملحن ..صالح البعيني..