المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: { حيّة مال } بقلم الشاعر الكبير الدكتور [ عامر تيسير نابلسي ]

حيّة مال 

قالوا عنّها حيِّة مال ..
وأنا كذّبتهن وحبّيتها ...
ولا صَدّقتْ الْ قيل وقال حتّى جّرتني لْ بيتها !!!

ما بتعرف عرف ولا عيب ...
كلّ همّها شو في بالجّيبْ ...
خلّتني اخجل م الشّيبْ الْ عَ راسي يوم كشفتها !!!

الْ ما بيسمع لكلام النّاس
بيغرَق مترين بْ مَيّتها !!!

خدعتني ما بعرف كيف ...
وسَحرتني بغمزة وضحكِة ...
قلتلّها جبنِة عَ الرّغيف ابتسمتلي وقالت بَركِة !!!

تاري عم تبحِر لبعيد ...
وتتلوّى متل الْ سّمكة ...
تا تفبركلي فيلم جديد وتكويني بنارها وزيتها !!!

الْ ما بيسمع لكلام النّاس
بيغرَق مترين بْ مَيّتها !!!

 عامر ...

أنت وياسرحامد تيم

تعليقان

أعجبني

تعليق

المجلة الإلكترونية لنشر الأعمال الأدبية والفنية للأديب والشاعر والملحن ..صالح البعيني..