المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: { عَطف } بقلم الشاعر الكبير الدكتور [ عامر تيسير نابلسي ]

عَطف 

وبتعتَبْ وبتزعَل منّي 
وبتلاحقني عَلى كلّ حَرف ...
وأنا ياما تجرّح احساسي وعلى غلطاتَك غضّ الطّرف !!!

هيدا لأنّي بعشَق قلبَكْ 
وبقدّر كل ضغط وظرف ...
ولا بنكُر عشرتنا يلّي النّاس بتحلِف فيّا حَلف !!!

لو مرّة بتصَحي ضميرَك ...
ما بتسترخِص فيّي عَطف !!!

وحياة الله بعشَق قلبَك
وانتَ بنَظري سْيد النّاس ...
هالقلب تعوّد على حُبّك وكلّ أوهامَك مالها أساس !!!

لا تخلّي شيطانَك صاحي
تا ما يزرع شكّ ووسواس ...
أنا حبَستو يُوم عشقتَكْ وبعدو القفَص بأبعَد كَهف !!!

ولو مرّة بتصَحي ضميرَك ...
ما بتسترخِص فيّي عطف !!!

 عامر ...

أنت وشخص آخر

٢ تعليقات

أعجبني

تعليق

المجلة الإلكترونية لنشر الأعمال الأدبية والفنية للأديب والشاعر والملحن ..صالح البعيني..