يا ريتني ارجع طفل صغير
ضاعت وضيعتنا الدنيا
وناس ما بنعرفهم حكمونا
بدلوا حياتنا وبدلونا
يا ريتهم للأحسن غيرونا
كانت ضيعتنا بيوم تجمعنا
كنا سوى نحنا وأهالينا
اللقمة نقسمها
والهدمة سوى نلبسها
ضحكتنا كانت ملوي الدنيا.
لقمة من خيرات الأرض سوى نأكلها
ستي وستك همومنا تحملها.
نروح ونجي سوى
ما همنا حدى
كبرنا وبهموم كبرونا
اكثر ما بنتحمل حملونا
يرحم ستي وستك
بيي وبيك
وإمي وإمك
ونحنا أولاد حب الأرض علمونا
يا ريتنا ما كبرنا
وأولاد ظغار بقينا
ما أحلاها ضاعت أيامنا وضاعت ديرتنا
فرشة كبيرة وسهرة كانت تجمعنا
بالحب والضحكات ما كان حدا قدنا
ياريت فينا نرجع أولاد صغار
NabilAlkhatib
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.