/ يا حضرة القاضي /
يا هالدني حاجي حكي فاضي
الحاضر أنا وشو خصّني الماضي
همّي أنا بكرا يجي الإنسان
حامل فرح في جعبتو وراضي
لا تقولي كنّا وكان يا ما كان
الماضي رحل من جوبة رياضي
بريشة فزع عم إكتب الديوان
حاجي عن الآلام تتغاضي
تشرّد حبيبي بعتمة الوديان
الديجور عبّا صفحة بياضي
وبركض متل فزعان من فزعان
والورد عم بيموت بحواضي
وبعدك يا ماشي بعجقة الحرمان
بدك ع كيفك تحكم تقاضي
وبتقول حلوة نعمة النسيان
وماشي بزمان الإفتراضي
مأكد إنت غلطان بالعنوان
ارحمني بقى يا حضرة القاضي .
د. عيسى فضة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.