مسؤول
كرهنا الحرب وايامو وكرهنا الموت
كرهنا الليل واحلامو كرهنا التابوت
*
كنا بخير وسعادة كل يوم بكير
نسبّح رب الخالقنا نكبّر تكبير
نسرح نصلي دبقتنا عضفاف البير
نرجع نملي سلتنا بكبوش التوت
*
صبحية في حارتنا وصياح الديّك
تشعر ملائكة الرحمة عمّا تناديك
لكن ياليل العتمة شو بعمل فيك
كهرب عم يعمل نقمة رح بدي موت
*
تلفزيونك لاتفتح منظر مشؤوم
فلسطيني عما يُذبح ياعيب الشوم
صهيوني عم يتمرجح يشرب زقوم
الصوت العربي بحبح يابئس الصوت
*
بدال الكلمة ياعربي هات صواريخ
نافخ حالك ومعلّا فوق المريخ
مفكر هالعلقة المرّة اكلة بطيخ
صوب حدود الصهيوني مافيك تفوت
*
غير الكلمة المعسولة شو جايب قول
مفكر اكلة تبولة او اكلة فول
عاملّي صولة وجولة بعرضك والطول
ياريتك جايي وجايب كفن وتابوت
*
الكلمة وحدا متكفي يا ابن الناس
بدها شوية كرامة وذوق واحساس
كُل يوم تأزينة جامع كنيسة وقداس
وحق العدرى ومحمد شو كرهنا الموت
سلمان حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.