/ اسمعني يا إبني / بقلم الشاعر الكبير الدكتور [ عيسى فضة ]

 

عيسى فضة

‏٨‏ س

 

 · 

/ اسمعني يا إبني /

اسمعني يا إبني وهالنصيحة تعلّما

العين اللي منها شربت أوعا ترجما

ولا تصدر الأحكام يابني ع السمع

وتبني المواقف ع الغلط بتعلّقما

خلّي القناعة تكون عنوان الشبع

بطيب الكلام الروح فيك تبلسما

مش عيب إنو يكون في عندك فزع

تدخل ع أرض يكون غيرك لغّما

ما في صمت بيدوم مع شعب انقمع

وما في بلد حاكم لوحدو بيحكما

ولو طير حلّق فوق بغرورو ارتفع

فوراً ع راسو طب بتشوفو ارتما

يا بني قبل ما حبل عمري ينقطع

رح قول هالكلمة الأخيرة واختما

ما في ظلم مجنون من غير الطمع

ولا في شجر بالكون وصّل للسما

ومظبوط يللي قال إنو مستحيل

فرس الحقيقة تكون قادر تلجما .

د. عيسى فضة

عرض الرؤى

معدل وصول المنشور: ٦٧

١٠Nabil Alkhatib، ياسرحامد تيم و٨ أشخاص آخرين

٢٦ تعليقًا