/ نصيحة / بقلم الشاعر الكبير الدكتور [ عيسى فضة ]

 

عيسى فضة

 

 · ساعة واحدة

 

 · 

/ نصيحة /

يا بني الظلم ما بينحمل لا تحملو

وداوي الوجع لمّا بيكون بأوّلو

رح خبرك شو قال بالماضي المتل

يللي بيخبّي علّتو رح تقتلو

ومهما كنت تعبان لا تأجل عمل

وتقول بكرا من الصبح رح إعملو

يا بني الوقت كالسيف من عمر الأزل

قصّو قبل ماراس عمرك يقصلو

وبين الديابي أوعك تكون الحمل

كون السبع يللي بيحمي معقلو

وعلى قد ما بيحن ع فراخو الحجل

خلّي حنانك بالليونة منهلو

وعلى قد ما بيقسى على حالو الجمل

كون القساوة والزمن لا تدللو

وقّف ع درب المعرفة متل الجبل

حتى ليالي الجهل منّك ينجلو

وخلّي كيانك بالحقيقة يكتمل

وأوعا ضميرك بالمصالح تقتلو

ومتل النحل لا توقف وكوّم عسل

حتى زمانك بالمحبة تعسّلو

وازرع بصحرا اليأس أزهار الأمل

ولكل طالب عون أوعا تخجّلو

كون الوفي وأبعد عن دروب الدجل

وإلّا الصدق مهما حصل لا تقبلو

ما صح إلّا الصح لو مهما حصل

ولا حق إلّا الحق وطيورو علوا

يا بني قبل ما ينتهي فيي الأجل

وقبل الزمن ما يعلقم الطعم الحلو

خود النصائح هون موجودة الكنوز

واغزل عمر تا الكل متلك يغزلوا .

د. عيسى فضة

عرض الرؤى

معدل وصول المنشور: ٢٦

٥Nabil Alkhatib، Seham Youssef و٣ أشخاص آخرين

٩ تعليقات

أعجبني

تعليق