المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: ( سوري أنا ) بقلم الشاعر الكبير الدكتور [ عيسى فضة ]

عيسى فضة

(  سوري أنا  ) 

ياريشة  التاريخ   بالفخر  اكتبي 
                     سوري أنا  والأرض أرضي  وملعبي 
وكاتب بحبر النور ع شفاف الورود 
                     سوريّتي  ديني  وحياتي  ومذهبي
هون الحضاره أصل تكوين الوجود
                    ونحنا وعي الإبداع عمق  الموهبي
عنّا  البطوله بالوراثة  من الجدود 
                    وعنّا الصبر معشوق هالشعب الأبي
وعنّا النصر مولود من رحم الصمود 
                 والسيف شامي وجيش سوري يعربي
متل الدهب كل ما عتق بيجود جود
                 ومتل الشمس يا شام مش رح تتعبي 
ألله  بإيدو  لبّسك  تاج  الخلود 
                  وفستان  أخضر  يا عروس العالمين 
          وصرتي بوشاح  الياسمين  محجّبي .
                                            د. عيسى فضة