/ قمر شامي / بقلم الشاعر الكبير الدكتور [ عيسى فضة ]

 

عيسى فضة

مشارك محتوى مرئي

 

 · ‏٦‏ س

 

 · 

/ قمر شامي /

يمكن خذلني الحظ غافلني القدر

غيابك حبيبي صار إلزامي

موجوع قلبي والزمن قلبو حجر

والوقت عم بيموت قدامي

متل الشبح بتمر برات النظر

وببقى أنا بصابيع أحلامي

عم إرسم خيالك ع ذاكرة القمر

تتضل بعيوني قمر شامي

وبسهر ع سطح الليل تينام السهر

بنسى النعس عا تخت أيامي

بكف القصيدة بصير قلّب هالصور

بشوفك وحي بحروف إلهامي

بتفوت متل الآه عا بحة وتر

وبتطل من شباك أوهامي

شو بخاف تمرق بين زخات المطر

بليله ما فيها ضو ويضيع الأثر

ياعين دخلك أوعك تنامي . د. عيسى فضة

عرض الرؤى

معدل وصول المنشور: ٥٤

٨Ghezal Najet، Nabil Alkhatib و٦ أشخاص آخرين

١٨ تعليقًا

أعجبني

تعليق