معقولة !!!!
وبتلوموني ليش بحبَّها ودايب قلبي فيّها دُوب ؟؟
وشو بتفرق هيّه عن غيرها تا صير بعشقها مسكُوبْ !
لو شفتوها بعيني سكَتّوا وقريتوا بقلبي الحَبّوب ...
كلشي حَسّ وكل شي فكَّر وكلشي بعدو مش مكتوب
معقولة بحرفين تلاتي تلخّص أحاسيسها القلوب ؟!!!
هيّه الكون وهيّه الدنيا وهيّه ال بتخلّيني طير ...
علّي وعلّي مع احساسي أبعد من وَصفي بكتير !!!
معها بعيش الفرحة وبنسى كلّ همّ وغمّ وتعتير ...
أمّا جمالها وأمّا دلالاها ما برأيي بدو تفسير !!!
كلّشي فيّها فوق العادي وتجاوز أعلى منسوب !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.