المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / مفتاح باب الروح / بقلم الشاعر الكبير الدكتور [ عيسى فضة ] { شو رأيكن }

عيسى فضة

صديقاتي وأصدقائي الغوالي نعود إليكم بفقرة جديدة من ( شو رأيكن ) برعاية وإشراف المدير العام لمنتدى واحة الشعر والنغم الشاعر الأديب والملحن الأستاذ صالح البعيني المحترم  
                /   مفتاح باب الروح   /
لمّا العشق دقدق ع باب الروح 
                  رد  القلب  ما في  حدى  راحوا 
يا هالعشق ما ضل غير جروح 
                  والضو  مطفي  وطار  مصباحو
لا ارتاح  يللي راح عم  بينوح 
                 ويللي  بقوا  بهالليل  ما ارتاحوا 
وقبل العشق ما يودع المجروح 
                 والعندليب  يودع . . . .  جناحو 
قلّو القلب لا تدق مش مسموح 
                 والديك  غافي  تخرسن صياحو 
هالباب عشر سنين مش مفتوح 
                 مدري انكسر مفتاح باب الروح 
          مدري  وقع  بالحرب  مفتاحو 
           شو قولكن رح يلتقى المفتاح 
          ونرجع سوا ويعود يللي  راح 
           ونبني  الوطن  ونعيد  إصلاحو ؟؟   
                                           د. عيسى فضة