المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: { الفلانتين } بقلم الشاعر الدكتور [ غانم الخوري ]

.        الفلانتين

  كبروا الحب وصارله/و  عيد
  تكنى بإسم  الفالانتين
 والقلوب تخفق بالتنهيد

الصبية بدها سيارة بتقول وتعيد
وصبية تعيش بالدين
 وختيار تشبشب عن جديد

 الشب شايل وردة حمرا قاصد بنية سمرا
من على بكرى مغندرة
  بليلة صفا أحلى المواعيد

في ناس حبها بسيط وبحنية
مكمل بعيش القمة الهنية
محبتهم صدق بوردة جورية
 شكروا يارب خيرك يزيد

نوع من البشر عيشتها بالخفايا 
 بتمكر بالسر بتغدر بالزوايا
ضامرين سوء النوايا
 أحساسهم ترهيب وتهديد 

 كثار الناس العيد إلهم غاية
 تنال أثمن هدية 
 ذهب وجواهر بيت أو سرايا
والرأس عنيد مابيحيد

 هدايا بتكفل إطعام  أولاد بفقر البلاد 
 كسوة أحذية وثياب جداد
وبتسعد الحياة والطفل سعيد

الحب إهتمام و عناية
العيدذكرى ما هو غاية
شو النفع من العيد 
 والأسى عم بيزيد

ليش الهدايا مع خبث النوايا
 والكل يمكر بالخفا و يخدع
مليانة حقد و وعيد

خليكم بالبساطة اعملوا 
لكل يوم هني عيد
 لكل لحظة وفا عيد
 لكل عيش بنعمة عيد

د. غانم ع الخوري ..

أنت، Hams Fathy Hanen، Nabil Alkhatib وشخصان آخران

٢ تعليقات

أعجبني

تعليق

المجلة الإلكترونية لنشر الأعمال الأدبية والفنية للأديب والشاعر والملحن ..صالح البعيني..