المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: ( شو رأيكن ) / طول الوقت سكران / بقلم الشاعر الكبير الدكتور [ عيسى فضة ]

عيسى فضة

مشارك محتوى مرئي

صديقاتي وأصدقائي الغوالي وجميع الرواد في واحة الشعر والنغم برعاية وإشراف المدير العام لهذا الصرح الثقافي الكبير الشاعر الأديب والملحن العظيم صالح البعيني نعود إلى فقرة جديدة من برنامج  ( شو رأيكن  ) للمناقشة وإبداء الرأي 
                    /   طول الوقت سكران   /
مهزوم  من حالو  رجم  ذاتو 
                  وحنّط وجودو بكهف عتماتو 
مرعوب قاعد في حقل ألغام 
                   كتروا  المآسي  وزاد  أزماتو 
بيسكر  تصار  يوجّع  الأيام   
                  ومجرى  خمر  شريان  دمّاتو 
كب  الأماني  وهرّب الأحلام 
                    شنّق  بحبل  الليل  نجماتو 
غرقان  بالمجهول  والأوهام 
                وتارك ع بالو  اليأس  وشماتو  
بالشرب  حطم  آخر  الأرقام 
            انحفرت ع كعب الكاس بصماتو 
وبيحط راسو ع النعس تينام 
                    وبيفيق  عم  بتهرّ  عزماتو 
شو رأيكن  معزور  ما بينلام 
   ولّا غلط يستسلم ويبقى العمر سكران
                 وينسى  حياتو بدروة الماتو ؟؟!!!