ما بقى بدّي !!!
حَاج تقولي روق وهَدّي وتعيديلي بحِكمِة جدِّي ...
اللي بيصبُر رح ياكل طَيّبْ أنا هالطّيّبْ ما بقى بَدِّي !!!
كرهتْ الصّبر كرهتْ النَّطرَة على قُولِة رَح نقطُف بُكرى
مَوّتِّي اللهفي وضيّعتِ أشواقي والحُبّ الوردي !!!
// مش نفعانة هيك نكفّي أنا عَم جنّ وانتِ تصِدّي //
غيري عَم يضهَر يتسَلّى ويقضّي أيّامو الأحلى ...
وانتِ عَ كلشي جوابِكْ كلّا وتبَلّشي بالظروف تعدّي !!!
خلّيكِ بطبعِك وانسيني .. ضيّعتِ بالنّطرة سنيني ...
عَلى هجرِكْ اوعي تلوميني او تزعلي مني وتحتَدّي !!!
/صارت صعبي كتير نكفّي ضَلّني رَخّي وانتِ تشدّي//
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.