/ نص ع نص / بقلم الشاعر اكبير الدكتور [ عيسى فضة ]

 

عيسى فضة

مشارك محتوى مرئي

 

 · ساعة واحدة

 

 · 

/ نص ع نص /

يا ريح هدّي خزّقت نص الورق

شو عاد رح تنفع معو خرّازتو

نضّارتو متل القلب نصا احترق

وجايب معو نص الغوى بإجازتو

نص العمر هونيك بالغربة انسرق

نصو اهترى ونصو بقي بزنزانتو

ونص العشق بيموت عا آخر رمق

و نبع الأماني صار عا نزّازتو

سهم الوقت من نص أيامو اخترق

نص الحلم مارق ع نص جنازتو

ولمّا رجع عا ضيعتو يشم الحبق

نصو البقي ناوي ع نص جوازتو

ملهوف من مفرق فرح لمّا فَرَق

تفركش بهبة ريح من نصو مرق

نصو أخد والنص من عكازتو .

د. عيسى فضة

عرض الرؤى

معدل وصول المنشور: ١٦

٣أنت، فاطمة قرقوري وابو علي ابوعلي

تعليقان

أحببته

تعليق