مشارك محتوى مرئي
يا ضيعتي يا أرض النور
وين الأهل وين الزوار
لساتنا ناطرين على باب الدار
طول علينا الدرب وطال المشوار
الخير كان موجود بالقناطر
وزيت زيتونا معبي الجرار
ستي محضره الحطبات والحليب عم يفور
وخبزاتها صبحية على التنور
على شبابيكنا بتسمع نقرات الشحرور
وفلاح عم يبدر الأرض بزور
وبيتنا بابة مسكر بمسمار
وشباكنا ما ال ابجور
لما بنسمع صوت القرقور
بنادي على ست بدور
ولك عنزات جارتنا خربو السور
بينده عليك الناطور
تعالي خديهن يا ام سرور
هنيك خلف القهقور
بيتنا معمر ما ال سور
وسنديانه اكبر من كل الأعمار
جدي اللي بضيعتنا مشهور
وسروال دوم فاكك الزنار
وكاسة شاي عالحطبات متل جناح الدبور
يا محلا هديك الدار والدوار
حبابنا راحوا وطولوا المشوار
بعدك متل ما انت يا دار
حيطانك وبوابك كلها اسرار
بتذكرها وبتذكر جارنا والحنتور.
كانت حلوة والجار بحب الجار
والقلوب على القلوب ليش صارت متل الصخور
يا ريتنا نرجع متل ما كنا صغار
اه عليك يا ضيعتي يا ضيعة النور
والبنت الصبية طالعة مشوار
هديتها باقة ورد ومنثور
تبسمت بسمتها شعشت متل النور
صارت تتلفت وبقلبها كل السرور
اه عليك يا ضيعتي يا ضيعة النور
Nabil Alkhatib
' xlink:href='%23b'/%3e%3cuse fill='black' filter='url(%23c)' xlink:href='%23b'/%3e%3cpath fill='white' d='M10.473 4C8.275 4 8 5.824 8 5.824S7.726 4 5.528 4c-2.114 0-2.73 2.222-2.472 3.41C3.736 10.55 8 12.75 8 12.75s4.265-2.2 4.945-5.34c.257-1.188-.36-3.41-2.472-3.41'/%3e%3c/g%3e%3c/svg%3e){kind=small}
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.