بادئ محادثة
رجاء !!!!
مش ضرّوري نكره بعض ويتغلغل بقلوبنا الحقد ...
وتتوحّش مشاعرنا الْ كانت مليانة أحاسيس وودّ !!!
القدر تدخّل مش بإيدينا ننهيها ويكون لها حَدّ ...
المفروض فينا نبقى صحابْ وما ننسى أيّام السَّعد !!
هيدي مشاعري وهيدا رأيي وانتِ فكري بحكيي جدّ !
ما كنّا أوّل حبيبين تمنيّنا ما نتركْ بعض ...
ولا كنّا آخر حبيبين انفرض البعد عليهم فرض !!!
هيك الدنيه وهيدا قدرها مين عندو قدرة ع الرّفض.
لمّا تقرر تنهي علاقة وتمسح بالأحلام الأرض !!!
هيدي مشاعري وهيدا رأيي وانتِ فكري بحكيي جدّ !
ما غلطنا يوم اللي عشقنا ونوينا نكفّي المشوار ...
ورسمنا أحلامنا الحلوة من يوم اللي كنّا صغار !!!
ولمّا كبرنا وشفنا الحظّ الْ طول عمرو بطبعو غدّار ...
ما قدرنا نغيّر قسمتنا ونخلّي الْ بينّا يمتَدّ !!!
هيدي مشاعري وهي قناعاتي وانتِ فكري فيها بجدّ !
عامر ....
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.