{ لا ترحلي } بقلم الشاعر الكبير [ سلمان حسن ]

 

Salmaan Hasan

أيقونة شارة
مسؤول
  
لا ترحلي
//////////
لما تروحي من قبالي ل وين بروح
قناصة وسهم الغالي عباني جروح
*
منك نظرة تكفيني عيش ب احلام
ولما عينك تجفيني عيش بأوهام
كيف لك قلب تخليني قلبي منضام
كلمة منك تشفيني وترد الروح
**
ايام الزهر مشينا ب حقلة نيسان
كان الشوق يدفينا ياغصن البان
كان البدر يجارينا ومنّو نعسان
يبقى الليل مضوينا مطرح منروح
**
نسيتي البيدر يجمعنا وغلال كتير
لما الفجريدغدغنا بصوت عصافير
كان المورد يلهمنا ع شف البير
ورد الجوري يكللنا وزهر القيلوح
**
ايام الشوق المرّت تنسيها ليش
كان الحب يغزيها نمشي طمّيش
وهلق انت تركتيها كيف بدي عيش
وقلبي متعلق فيها بسهمك مدبوح
**
حطيلي رخامة قبري نكتب بيتين
واحد منك ياعمري يخلّدني سنين
مني بصمة بطبعلك بصبوص العين
وقضي إيامك بعدي تنهيد ونوح
///////
سلمان حسن
أنت، ياسرحامد تيم، Laila Andari وشخص آخر
٣ تعليقات

في

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

الاشتراك في: تعليقات الرسالة (Atom)

المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..

{ صهيوني بيقول } بقلم الشاعر الكبير [ نبيل الخطيب ]

  Nabil Alkhatib    ·  ‏٩‏ س     ·   صهيوني بيقول ما إلنا ه الأرض ومالها ما حدآفينا من أهلها حال أمي منها وحالها ما كفانا رجالها حملوا سلاح ...