( حلم ) بقلم الشاعر الكبير [ بسام الأسبر ]

 

Bassam Esber

بادئ محادثة

 

 · ‏٤‏ س

 

 · 

( حلم ) شعر محكي

حلمي براس السنة لا طيلس ولاجوخ

ولاقصر عالي الشرف ياحلو مطموعي

حلمي معاك السهر لحالنا بشي كوخ

كفكف دموعك قُبَلْ وتكفكف دموعي

ويفيق ربّ الوسن من غفوتو مردوخ

ومع صحوتو ينتفض رغم السكر روعي

وقدّم بخوري تايرجع ينتشي ويدوخ

وينام هوّي وانا يستيقظ ولوعي

وعامائدتنا جنا تفاحنا والخوخ

وتعكس نوار السنة عاجبينك شموعي

ويفقع بشجرة حلا بالونها المنفوخ

وندقّ كاسك بكاسي بصوت مسموعي

وأدرج معاكِ التتن ونلفّ كم صارخ

وتزهر حفافي الدني وتزلغط ربوعي

ولمّا جنون الخمر يوصل على اليافوخ

بيكون راس السنة ماعاد عندو راس

وبيكون راسك لحالو بس موضوعي

شعر: بسام الأسبر 29/12/2020

عرض الرؤى

معدل وصول المنشور: ١٩

١Saleh Albouini

تعليق واحد

أحببته

تعليق