/ كلّو ماشي / بقلم الشاعر الكبير الدكتور [ عيسى فضة ]

 

عيسى فضة

مشارك محتوى مرئي

 

 · ‏١٠‏ د

 

 · 

/ كلّو ماشي /

قالولي كلّو ماشي وكلشي ظاهر عالشاشي

ولمّا بنزل عاهالسوق برجع مع قلبي المحروق

وطاير من إيدي معاشي

. . . . . . .

العالم ماشي بالمقلوب وبيقولوا كلّو محسوب

وبين الحاسب والحاسوب المستقبل صار غباشي

. . . . . . . .

يوميّي بتغلا الأسعار وكلشي مسعّر بالدولار

صرنا وصاير هالمشوار بين فكي الكمّاشي

. . . . . . .

الحرامي بيكتر مالو والطيب واقف حالو

وعم يتفركش بخيالو متل البنت الحشّاشي

. . . . . . . .

مشينا عالدرب المشروع ما شفنا غير الموجوع

ناس بفقر وقلّة وجوع وناس بتكب المحاشي

وبيقولوا كلّو ماشي !!!!!!

عرض الرؤى

معدل وصول المنشور: ٠

٨أنت، Nabil Alkhatib، ياسرحامد تيم و٥ أشخاص آخرين

١٣ تعليقًا