المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / شو رأيكن / { قلبي ع إبني وقلب إبني ع الحجر } بقلم الشاعر الكبير الدكتور [ عيسى فضة ]

عيسى فضة

مشارك محتوى مرئي

أعزائي الشاعرات والشعراء والأديبات والأدباء الأكارم نعود إليكم من جديد في فقرة شو رأيكن برعاية وإشراف المدير العام لمنتدى واحة الشعر والنغم الشاعر الكبير والأديب القدير والملحن الجدير الأستاذ صالح البعيني الجليل بموضوع جديد للمناقشة وإبداء الرأي الصريح  مع أجمل الأماني بالمشاركة الفعالة من قبل الجميع .
                   /  شو رأيكن  / 
منذو الأزل قال المتل بالمختصر 
                  قلبي ع إبني وقلب إبني ع الحجر 
قلب الأهل ملهوف بالحب انغمر 
                  وقلب الولد  غفيان  ما عندو  خبر 
مدري غلط أو صح يا كل البشر 
                 وقال العمر محكوم  والحاكم  قدر
ومنذو الولادة منحمل جواز السفر 
                 منركب قطار الوقت عا سكة خطر 
هالأسرع من الصوت حتى من النظر 
                  تا نوصل  محطة رحيلو  المنتظر 
وبعدو الطمع بالمال عم يعمي البصر 
             وفي ناس من كتر الجشع صاروا عبر 
وعم يرحل الإنسان وبيبقى القمر 
               غير الأسم   مكتوب  ما بيبقى  أثر 
شو رأيكن يا هالغوالي بها الكلام 
              اعطونا رأي  مظبوط  واضح معتبر  .
                                              د. عيسى فضة