{ دخيلِكْ } بقلم الشاعر الكبير الدكتور [ عامر تيسير نابلسي ]

 

Amer Tayseer Nabulsi

بادئ محادثة

  · ٥١ د  · 

دخيلِكْ !!!

مش عَلى ذوقِكْ تنهي القصّة وتقولي ما بقى بدّي ...

ما بقى النا بحُبّنا فرصَة ضلّ حَدّكْ وتضلّ حدّي !!!

وتمشي وحدِكْ دمعة ع خدّكْ ويموت الحلم الوردي ...

كرمال حُبّنا روقي شويّ وكرمالي عليّي تهدّي !!!

ظروف الصّعبة بكرى بتقطَع ما في شي ع حالو بيضلّ

والحبّ اللي بينّا أقوى من غيمة سودا ع الكلّ !!!

كبّري راسِكْ لا تكبّريها وتخلّي حُبّنا ينشَلّ ...

مش رَح اقبل غيرِك انتِ ترافقني وتعبط زندي !!!

كرمال حُبّنا روقي شويّ وكرمالي عليّي تهدّي !!!

الإيام متل مواج البحر بتتمرجح بين مدّ وجزر ...

والحبّ السّاكن بقلوبنا بيمنعها من لحظة غدر !!!

وثَقي فيي وكوني قويّة تا نكفّي لآخر هالعمر ...

عشرتنا بتستاهل أكتر قوّة واصرار وتحدّي !!!

كرمال حُبّنا روقي شويّ وكرمالي عليّي تهدّي !!!

عامر ...

عرض الرؤى

معدل وصول المنشور: ٦

٢أنت وكوكب عيسى

تعليق واحد