{ غزالة برية } بقلم الشاعر [ غانم الخوري ]

 

Ghanem Al Khouri

مشارك محتوى مرئي

 

 · ساعة واحدة

 

 · 

. غزالة برية

ريتك تقولي شو حببك فيي

يا المها و أحلا غزالة برية

سحرتني أنت أملي ومناي

ومهجة قلبي ونور عينيي

لما بشوفك بتغمرني الغبطة

بعمل حركات فرح عفوية

بداري سعادتي عن قصد

خوفي من إنك تتدللي عليي

صرت من بعيد لاحق خيالك

راقب كل إللي بيخطر عبالك

بنتبه عليكِ وأنا وقاعد قبالك

كيف عيونك نظرهم يأكل فيي

بفرح بتجيني الضحكة بشهقة

بيفضح سري عيون و برقة

بكتمها غصب وبلوعة الحرقة

لا الناس تعملنا قصة وتسليّة

خايف شي يمنع عني قربك

سرحان هيمان قلقان ومتلبك

سهران مع خيالك وكاسي وألفيّة

شايفك قبالي و بعيدة عني

نار الغيرة يمكن رح تاكلني

ما بدي حدا غيرك يحضني

ويجيب الهنا إليي

غيابك عذاب و صد ولوعة

بقربك جمر وحسرة ودمعة

ناطر ومستني تعم الفرحة

ونسعد بالجمعة الهنية

..غانم ع الخوري ..

٢٠١٨/١٢/٨

عرض الرؤى

معدل وصول المنشور: ٦

١Saleh Albouini

تعليق واحد

أحببته

تعليق