بادئ محادثة
مجنووون غيرة !!!
شو حلُو عليكِ الفستانْ الْ خلّاني بتفاصيلِكْ جنّ ...
روقي عليي مش لقيانْ وربّي دوب وأكتر حنّ !!!
يا ويل الْ بيطلّع فيكِ بالسّهرة من إنسْ وجِنّ ....
بقلع عينيّون ما بسأل لو قضّي عمري بالسّجن !!!
بموتْ عليك بغار عليكِ من كبيرهن ل صغير السّنّ !!!
ضلّك حَدّي اوعي تغيبي ما بوثق بطباع النّاس ...
لمّا يشوفوا حَدّن حلوة بيصيروا يلَوّحوا بالكاس !!!
والشّاطر فيهن بيقرّب تا يمثّل دور الحساسْ ...
وانو راقي وانّو جنتِلْ وبيضلْ تا تبتسمي يزنّ !!!
بموت عليك بغار عليكِ من كبيرهن لَ صغير السّنّ !!!
خلينا نسهر بالبيتْ ونتهنّى هيكْ أحسَن شي ...
ما بدّي قضّيها مراقِب بالسّهرة بنصّها امشي !!!
شو بعمل طبعي غيّور من عيوني وحتّى رمشي ...
ما بالِك بعيون النّاس الْ ما بتعرف غير سوء الظنّ !!!
بموت عليك بغار عليكِ من كبيرهن لَ صغير السّنّ !!!
عامر ....
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.