بادئ محادثة
عَ أمل !!!
استعجلتِ باليأس كتير وما عطيتِ فرصَة للحلم ...
ورميتِ الْ بينّا بكّير وقلتيلي صار وقت الفهم !!!
مين قلّك ماني فهمان ومش حاسس فيك و سئلان؟
أنا أكتر منك قلقان وخيفان .. يكون عندِك علم !!!
ومع كل هيدا مش قبلان طفّي الحبّ وموت بعَتم !!!
مَنَّا خوَجاتْ وبَكوات تا يجينا كلشي بالسّهلْ ...
خلقنا فقرا ومغصوبين نحقق أحلامنا عَ مهلْ !!!.
بدّكْ يانا نعيش اليأس ونقول ع الدنيا بلا عدل ؟ ...
مش ناقصها قلوبنا ذلّ ونستسلم لرياح الظلم !!!
ومع كل هيدا مش قبلان طفّي الحُبّ وموت بعتم !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.