بادئ محادثة
عواطف !!!
خيفان عليكِ من البَرد
ومن هالشتويّة الصَعبي ...
خايف يتجرّح هالخدّ والوجّه الْ متل اللعبي ...
مش قادر حطّلها حدّ
ولا قادر ابنيلك سدّ
بس قادر احميك بجدّ لمّن خبّيكِ بقلبي !!!
الغَيمة ال عم تمرق فوقك
عم ادعيلها ما تُوقف
والطوفان اللي بدربك متمنّي يجفّ وينشف ...
ما بّدي طرطشة المَيّ
تخلّي فستانك يتلَف
ولا بدي الرّايح والجايْة نظرة من جسمك يخطَفْ !!!
راح اعمل حالي مظلّة
تَ ما خلّي المطرة تبلّك
والأحلى طريقة سهلة تفوتي ع بيتي أحسنلّك ...
البرد القاسي ما بيرحمْ
مين غيري بصحتك مهتمّ
ولو جنّ الليل وعتّمْ الليلة عندي بتضلّك !!!
عامر ....
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.