/ العيد والواقع / بقلم الشاعر الكبير الدكتور [ عيسى فضة ]

 

عيسى فضة

أيقونة شارة
مشارك محتوى مرئي
  
/ العيد والواقع /
هالعيد جايينا السني جابي
وجايي مع الدولار حرّابي
بعز الغلى عا صوت هالمزراب
بكف الحزن دقدق على بابي
ولا كهربا ولا غاز لا أحباب
وعم ترجف من البرد أعصابي
تلبكت يا بفتح أنا هالباب
والضو مطفي وفاضيي جيابي
يا بضل جوّا بمحضر الغيّاب
وسجّل حضوري بدفتر غيابي
من حيرتي إيدي ع وجهي حجاب
فتحت وأنا ع الباب جنّابي
قلّي ياغالي زهّر العنّاب
وكاس النبيد اشتاق للخابي
قلتلّو وقّفلي معك في حساب
بدّي أنا صفّي السني حسابي
يا عيد خزّقلي سند العذاب
وجمّد رصيدي بمصرف عذابي
بتاني سني انطرني تجيب تياب
ولفّ الهدايا وفوت ع تيابي
بلكي الوطن بيكون جرحو طاب
وتشفى السعادة ويرجعوا حبابي . د عيسى فضة
ربما تحتوي الصورة على: ‏‏‏شخص أو أكثر‏ و‏أشخاص يجلسون‏‏‏
أنت، Nabil Alkhatib وشخص آخر

في

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

الاشتراك في: تعليقات الرسالة (Atom)

المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..

{ صهيوني بيقول } بقلم الشاعر الكبير [ نبيل الخطيب ]

  Nabil Alkhatib    ·  ‏٩‏ س     ·   صهيوني بيقول ما إلنا ه الأرض ومالها ما حدآفينا من أهلها حال أمي منها وحالها ما كفانا رجالها حملوا سلاح ...