شروقية : غزل مدين رحال
------------------------------------
هيمان عاشق بنت صرلي أنا سنتين
وقلبي عليها بكي من لحظة فْراقي
وآبْلعت موس الهوى يجرح على الحَدّين
وجُرح الغرام ال نزف جَمّع ب أعماقي
شايب فقير اتدعت ياناس عالحالَيّن
حتّى ببحر الحزن بدّيِت ب إغراقي
تاصار دمعي نهر سايل على الخَدّين
وبدموع بدل الحبر شعري بقي راقي
كل يوم حلمي أنا بيطير ب جناحَيّن
حتّى التوافق سوا إنتي وأنا نلاقي
عايش ب روحي ب أمل ياريت نبقى ثنَيّن
وقَضّي حياتي معك وتزيد أشواقي
شروقي قصيده آكتبت كرمال عين وعين
وحُبي ع طول العمر عهدو إلك باقي
شيبات راسي كنز ع الناس إلها دَيّن
وجوعان وجبة/ت شعر يشبع من طباقي
----‐-‐---‐------------------------
شعر: مدين رحال
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.