مع السلامة !!!
ما بدّها تعصّبْ هالقدّ
وتصرَخ بالعالي وتحتدّ ..
لأنّي قلتلّكْ خلصِتْ
قصّتنا الْ ما كانتْ جدّ !!!
متعوّد انتَ الْ تنهي
وتقطِّع بحبَالْ الودّ ..
بسّ هالمرّة سَامحني
رح افلَتْ من بين العَدّ !!!
شفلَك غيري تمرمطها
ويكون صبرها مالو حدّ !!!
شايف حالَك مو مصدّق
وعامل فيها زير العَصر ..
ايمتى ما بدّك بتطلّق
الْ دوّقتها ألوان القهر !!!
اوعى ع حالَكْ لا تصدّق
تنهي حياتي بكبسة زرّ ..
ما بقى تناسبني كلّكْ
وهالكلمة ما بقى ترتَدّ !!!
شفلك غيري تمرمطها
ويكون صبرها مالو حدّ !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.