/ موت الإنتظار /
تعبت وتعب فيي النظر يا جلِّنار
واحمرّ لون الذاكرة ودار المدار
عا غيبتك خايف أنا يشيب المدى
وينهدّ برج الحب ويموت الكنار
رايح أنا وحسون عا غصني شدى
نترجم حنين وشوق . . ع الأوتار
وننزل ع وديان الزمن متل الصدى
ونمرق ع جوبات الدني بالإختصار
ونسأل شيوخ الجن بلكي شي حدى
شافك شي مرة . . وتاركي أخبار
عليكي إذا لا أنس أو جن اهتدى
بطلع ع سطح الغيم . . شعّل نار
وبكتب ع وهج النار إسمك ع الهدى
بلكي السما بتحن وتفك الحصار
عا صورتك رح رش من عطر الندى
تا ترجعيلي. . يصير ليلي نهار
خوفي أنا مايكون ياروحي اعتدى
عليكي الزمن ويموت فيي الإنتظار .
د. عيسى فضة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.