غلطان كتير !!!
وبعدَك مش عارف شو عملتْ ومتوقّع منّي لاقيكْ ؟ !!
بالأهلا والسّهلا وقلّكْ تقبرني حدّي خلّيكْ ؟ !!!
مشتاقة لعينيكْ الحلوة والوجّ الْ علّقني فيكْ ؟ !!
غلطان وربّي ما بتعرف احساسك وين مودّيكْ !!!
كنتْ مفكّرتكْ ندمان وجاية تبرّر لي اللي صار ...
تستسمح من حبّي وقلبي الْ خلّيتو بقهرو منهار !!!
وتقلّي لا تصدقي النّاس الْ همّها تشعلل بينّا النّار ..
انتِ وبسّ ال بدّي ياها ما في غيرِك لحياتي شريكْ !!!
غلطان وربّي ما بتعرف احساسَك وين مودّيك !!!
غايب عنّي كلّ هالمدّة ولا سألْتْ عليّي شي نهار ...
ولا كنّو في بينّا حُبّ ووعد نكفّي بهالمشوار !!!
وهلأ جايه ترجّع كلّ شي بسهولة من غير أعذار ...
وتطبطبْ ع كتفي وانسى آهاتي وجرحي وداويْكْ ؟!!!
هيدي اوعى تفكّر فيّا أو تحلم فيّي هنّيْكْ !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.