/ عمر مقتول /
شفت العمر مقتول عا كومة زمان
مد المدى ممدود من ممدودها
لا حروف إلها ولا زوايا ولا أمان
ومرفوع ع جبال الوهم عامودها
ع كل دروبها ما في أثر عنوان
حد الفكر ما حد حد حدودها
وحد النظر محدود حدو بالمكان
ومبني على المجهول فعل خلودها
شفت عين الدني طافوحة الإنسان
وفخوخها موطئ قدم مولودها
وعين الأرض فيها عمى ألوان
وعين السما نامت ع سر وجودها
شفت عين البشر مطمورة الأحزان
وأم الخليقة دموعها ع خدودها
وبين العتم والريح طار الشمعدان
جراد العصر عم ياكل بمحصودها
وشفت دار العقل موسوعة النسيان
وبنت الزمن متل الصبيّة نهودها
عرّيشة اللي دموعها خمر الأوان
وبتفرفط الأيام من عنقودها
مالقيت غير الصدق والحب والإيمان
مدلولها ع دروبها لمعبودها
ومن هون مشوار الحياة بيبتدي
تا يلتقي موعودها بمقصودها .
د. عيسى فضة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.